نوابشاہ (رپورٹ۔انور عادل خانزادہ)ایس ایس پی شہید بینظیر آباد سمیر نور چنہ کے احکامات پولیو مہم کے لیے سیکیورٹی کے انتہائی سخت انتظامات، پولیس
نوابشاہ (رپورٹ۔انور عادل خانزادہ)ایس ایس پی شہید بینظیر آباد سمیر نور چنہ کے احکامات پولیو مہم کے لیے سیکیورٹی کے انتہائی سخت انتظامات، پولیس کمانڈوز تعینات ایس ایس پی شہید بینظیر آباد سمیر نور چنہ نے ضلع بھر میں جاری پولیو مہم کے دوران سیکیورٹی کو فول پروف بنانے کے لیے ہائی الرٹ جاری کر دیا ہے۔ عوامی صحت کے اس اہم مشن کو تحفظ فراہم کرنے کے لیے پولیس کے خصوصی دستے اور کمانڈوز کو پولیو ٹیموں کے ساتھ تعینات کیا گیا ہے۔پولیو ٹیموں کی حفاظت پر کوئی سمجھوتہ نہ کرتے ہوئے، حساس علاقوں میں ٹیموں کے ساتھ پولیس کمانڈوز تعینات کر دیے گئے ہیں۔ایس ایس پی نے تمام ایس ڈی پی اوز (SDPOs) کو سختی سے ہدایت کی ہے کہ وہ فیلڈ میں خود موجود رہیں اور پولیو ٹیموں کے پوائنٹس کو مستقل بنیادوں پر چیک کریں۔ضلع کے تمام ایس ایچ اوز (SHOs) کو حکم دیا گیا ہے کہ وہ اپنے اپنے علاقوں میں گشت (Patrolling) کو بڑھائیں اور پولیو مہم کے دوران کسی بھی قسم کی غفلت برداشت نہ کی جائے۔شہر کے داخلی و خارجی راستوں پر کڑی نگرانی رکھی جا رہی ہے تاکہ مہم کو پرامن طریقے سے مکمل کیا جا سکے۔ہماری اولین ترجیح پولیو ورکرز کو ایک محفوظ ماحول فراہم کرنا ہے تاکہ وہ بغیر کسی خوف کے ملک کے مستقبل کو عمر بھر کی معذوری سے بچا سکیں۔ سیکیورٹی میں کوتاہی کرنے والے اہلکاروں کے خلاف سخت کارروائی کی جائے گی۔ایس ایس پی سمیر نور چنہ نے شہریوں سے بھی اپیل کی ہے کہ وہ پولیو ٹیموں اور پولیس کے ساتھ تعاون کریں تاکہ شہید بینظیر آباد کو پولیو سے پاک ضلع بنایا جا سکے