نورپورتھل (راجہ نورالہی عاطف سے) نامور سماجی شخصیات سابق ناظم ملک احسان قادر مجوکہ، ضلعی
نورپورتھل (راجہ نورالہی عاطف سے) نامور سماجی شخصیات سابق ناظم ملک احسان قادر مجوکہ، ضلعی راہنما پاکستان مسلم لیگ (ن) ملک حاجی اعجاز حسین برہان اور معروف سوشل ورکر ملک محمد حسن گجنہ عمرہ کی سعادت حاصل کرنے کے بعد وطن عزیز واپس پہنچ گئے۔
ان کی وطن واپسی پر عزیز و اقارب، دوست احباب اور مختلف سماجی و سیاسی شخصیات نے پرتپاک استقبال کیا اور انہیں عمرہ کی سعادت حاصل کرنے پر دلی مبارکباد پیش کی۔ اس موقع پر گفتگو کرتے ہوئے انہوں نے کہا کہ عمرہ کی ادائیگی ایک روحانی تجربہ ہے جس سے دل و دماغ کو سکون اور نئی توانائی ملتی ہے۔
انہوں نے مزید کہا کہ انہوں نے حرمین شریفین میں ملک و قوم کی ترقی، سلامتی اور خوشحالی کے لیے خصوصی دعائیں کیں۔ ان کا کہنا تھا کہ اللہ تعالیٰ ہمیں بار بار اپنے گھر کی حاضری کی سعادت نصیب فرمائے۔
شہری، سماجی اور سیاسی حلقوں کی جانب سے ان معزز شخصیات کے لیے نیک خواہشات کا اظہار کیا گیا اور امید ظاہر کی گئی کہ وہ مستقبل میں بھی اسی جذبے کے ساتھ عوامی خدمت کا سلسلہ جاری رکھیں گے۔