عمران خان کے بیٹے کی گفتگو کو وفاقی حکومت نے متنازع بنایا، یہ ایک بیٹے کےباپ کیلئے احساسات تھے۔سہیل آفریدی
عمران خان کے بیٹے کی گفتگو کو وفاقی حکومت نے متنازع بنایا، یہ ایک بیٹے کےباپ کیلئے احساسات تھے۔سہیل آفریدی
ایک بیٹے کو باپ کیلئے جو تشویش ہوتی ہے یہ اس کا اظہار تھا، اس گفتگو کو جی ایس پی پلس کے ساتھ جوڑکرغلط بیانی کی جا رہی ہے۔وزیراعلیٰ خیبرپختونخوا
پشاور(نمائندہ خصوصی)گلوبل ٹائمز میڈیا یورپ کے مطابق وزیراعلیٰ خیبرپختونخوا سہیل آفریدی نے کہا ہے کہ عمران خان کے بیٹے کی گفتگو کو وفاقی حکومت نے متنازع بنایا۔خیبر پختونخواہاؤس میں پریس کانفرنس کرتے ہوئے سہیل آفریدی کا کہنا تھاکہ بانی پی ٹی آئی کے بیٹے کی گفتگو کا اردو ترجمہ کروایا ہے، یہ ایک بیٹے کےباپ کیلئے احساسات تھے جس کا سیاست سےکوئی تعلق نہیں۔انہوں نے کہا کہ ایک بیٹے کو باپ کیلئے جو تشویش ہوتی ہے یہ اس کا اظہار تھا، اس گفتگو کو جی ایس پی پلس کے ساتھ جوڑکرغلط بیانی کی جا رہی ہے۔ان کا کہنا تھاکہ جی ایس پی پلس کے معاہدے کے خلاف ورزی وفاقی حکومت خود کر رہی ہے، اگر ہماری صنعت کام کر رہی ہوتی تو تجارتی خسارہ کم ہوتا، وفاقی حکومت کی پالیسیوں کی وجہ سے کسان، طالب علم اور ہر فرد مشکل میں ہے۔وزیراعلیٰ نے کہا کہ بانی پی ٹی آئی کی اہلیہ بشریٰ بی بی کی آنکھ میں بھی تکلیف ہے، ان سے ناروا سلوک کیا جا رہا ہے۔ان کا مزید کہنا تھاکہ ماحولیاتی تحفظ کے خلاف سازش وفاقی حکومت کر رہی ہے، ہمیں جتنا درختوں کی ضرورت ہے کے پی کے اس سے بڑھ کر رہا ہے، وفاقی حکومت ماحولیاتی تحفظ کی خلاف ورزی کررہی ہے۔