وہ تار جس پر دنیا لٹکی ہے
وہ تار جس پر دنیا لٹکی ہے
آج سے چند سال پہلے اگر کوئی کہتا کہ ایران سمندر کی تہہ میں بچھی کچھ تاروں کو کاٹ کر پوری دنیا کی معیشت ہلا سکتا ہے تو شاید لوگ اسے سازشی نظریہ کہتے لیکن آج یہ سازشی نظریہ نہیں بلکہ یہ تاریں دنیا کے لیے یہ زندہ خطرہ ہیں دنیا کا 97 فیصد انٹرنیٹ اور روزانہ 10 کھرب ڈالر کے مالی لین دین سمندروں کی تہہ میں بچھی فائبر آپٹک کیبلز کے ذریعے ہوتے ہیں سیٹلائٹ انٹرنیٹ ابھی اس بوجھ کا ایک فیصد بھی نہیں اٹھا سکتا یعنی Elon Musk کا Starlink OneWeb، اور باقی سب مل کر بھی اس خلا کو پُر نہیں کر سکتے دنیا چاہے کتنی بھی وائرلیس ہونے کا دعویٰ کرے اس کی اصل رگیں سمندر کی تہہ میں دھنسی ہوئی ہیں جغرافیہ پڑھنے والے جانتے ہیں کہ دنیا کے کچھ مقامات ایسے ہیں جہاں سے گزرے بغیر کوئی چارہ نہیں۔ آبنائے ہرمز اور بحرہ احمر یہ دو ایسی ہی جگہیں ہیں۔جہاں سے تیل کی ترسیل کا بڑا حصہ سے گزرتا ہے یہ تو دنیا کو پہلے سے معلوم تھا مگر جو بات کم لوگ جانتے ہیں وہ یہ ہے کہ یورپ، ایشیا، افریقہ اور مشرق وسطیٰ کو جوڑنے والی 17 سے زائد انٹرنیٹ کیبلز بھی انہی پانیوں سے گزرتی ہیں۔ یعنی ایک ہی مقام پر تیل کی رگ بھی ہے اور ڈیجیٹل دنیا کی رگ بھی۔اگر یہ کیبلز کٹ جاہیں تو کویت، قطر، بحرین، سعودی عرب، متحدہ عرب امارات اور عراق کا انٹرنیٹ عملاً بند۔ یہ وہ ممالک ہیں جن کی پوری حکومتی اور تجارتی مشینری آج ڈیجیٹل ہے۔ دبئی جو آج عالمی بینکنگ کا ایک بڑا مرکز ہے کے مالیاتی نظام میں فالج۔ SWIFT لین دین، بین الاقوامی ترسیلات، اسٹاک ایکسچینج، ہر چیز بلکل زیرو دوسری طرف جنوبی ایشیا یعنی پاکستان، بھارت، بنگلہ دیش کا انٹرنیٹ بری طرح سست یا جزوی طور پر بند بھی ہو سکتا ہے اور افریقہ اور یورپ کے درمیان ڈیٹا ٹریفک متاثر ہو سکتی ہے عالمی سطح پر ای کامرس، کلاؤڈ سروسز، بینکنگ API سب ہچکیاں لینے لگیں گے
آئی ٹی برآمدات، فری لانسنگ، بینکنگ، موبائل والٹس سب انہی کیبلز پر منحصر ہیں جو بحرہ احمر اور خلیج فارس سے گزرتی ہیں اب دنیا کو یہ سوچنا چاہیے کہ جب کوئی ریاست اس یقین پر پہنچ جائے کہ اسے بہرحال تباہ کیا جانا ہے تو وہ عقلمندی کے حسابات چھوڑ دیتی ہے۔ تاریخ گواہ ہے کہ گھرے ہوئے فریق نے ہمیشہ وہ کیا جو ناقابلِ یقین سمجھا جاتا تھا اگر ایران کو لگا کہ میں کمزور ہو رہا ہوں تو ایران ساری دنیا کا گلا گھونٹ دے گا اور دنیا پھتر کے دور میں واپس چلی جاۓ گی ایک بات اور بھی ہے دنیا نے سوچا تھا کہ باہمی انحصار جنگ کو روکتا ہے گلوبلائزیشن امن کی ضمانت ہے مگر آج یہی باہمی انحصار آج سب سے بڑا ہتھیار بن گیا ہے۔جب تار ایک ہو اور قینچی کسی اور کے ہاتھ میں تو طاقت کا توازن بدل جاتا ہے
مطلب ایران دنیا کا گلا دبا سکتا ہے۔