November 17, 2026

سکھر بیورو چیف سید نصیر حسین زیدی دعا ان لاین نیوز نیو سکھر: شکاپور پھاٹک پر

IMG-20260306-WA0305

سکھر بیورو چیف سید نصیر حسین زیدی دعا ان لاین نیوز
نیو سکھر: شکاپور پھاٹک پر
مہنگے اور غیر معیاری گوشت بیچنے والوں کے خلاف جوائنٹ ایکشن
جرمانے عائد، دکانداروں کو صفائی اور سرکاری قیمتوں پر عمل درآمد کی ہدایات جاری

سکھر (بیورورپورٹ)نیو سکھر کی اسسٹنٹ کمشنر بشرہ منصور نے ویٹرنری ڈاکٹر یاسر کھوسو کے ہمراہ شکاپور پھاٹک کے علاقے میں گوشت فروخت کرنے والوں کے خلاف ایک مشترکہ کارروائی کی۔ اس آپریشن کے دوران مختلف گوشت کی دکانوں اور قصاب خانوں کی تفصیلی جانچ پڑتال کی گئی، جہاں متعدد جگہوں پر صفائی کی حالت انتہائی ناقص پائی گئی اور صحت کے بنیادی اصولوں کی پوری طرح پابندی نہیں کی جا رہی تھی۔کارروائی کے دوران کئی دکانداروں کو مہنگا اور ہوا بھرا گوشت فروخت کرتے ہوئے رنگے ہاتھوں پکڑا گیا، جس پر افسران نے شدید برہمی کا اظہار کیا۔ضابطوں کی خلاف ورزی کرنے والے قصابوں پر جرمانے عائد کیے گئے اور انہیں سختی سے متنبہ کیا گیا کہ وہ سرکاری مقرر کردہ قیمتوں پر گوشت کی فروخت یقینی بنائیں اور صفائی و سٹری کا خاص خیال رکھیں۔ اس کارروائی کا مقصد عوام کو معیاری اور صحتمند خوراک کی فراہمی کو یقینی بنانا تھا، جو کہ علاقے میں بڑھتے ہوئے شکایات کے تناظر میں شروع کی گئی تھی۔ویٹرنری ڈاکٹر یاسر کھوسو نے موقع پر گوشت کے معیار اور صحت سے متعلق تفصیلی معائنہ کیا۔انہوں نے بتایا کہ غیر معیاری اور مصنوعی طور پر ہوا بھرے گوشت کی فروخت نہ صرف قانونی خلاف ورزی ہے بلکہ انسانی صحت کے لیے سنگین خطرات کا باعث بھی بن سکتی ہے۔ ڈاکٹر کھوسو نے دکانداروں کو واضح ہدایات جاری کیں کہ وہ گوشت کی صفائی، مناسب اسٹوریج اور فروخت کے عمل کے دوران صحت کے تمام اصولوں پر سختی سے عمل کریں، ورنہ آئندہ مزید سخت کارروائی کی جائے گی۔انہوں نے مزید کہا کہ اس طرح کی خلاف ورزیاں عوام کی صحت کو براہ راست متاثر کرتی ہیں اور انتظامیہ اسے کسی صورت برداشت نہیں کرے گی۔اسسٹنٹ کمشنر بشرہ منصور نے اس موقع پر گفتگو کرتے ہوئے کہا کہ عوام کو صاف ستھرا، صحتمند اور معیاری گوشت فراہم کرنا انتظامیہ کی اولین ترجیح ہے۔ انہوں نے واضح طور پر کہا کہ کسی بھی دکاندار کو ناجائز منافع خوری یا غیر معیاری اشیاء کی فروخت کی اجازت نہیں دی جائے گی۔ عوامی شکایات کو مدنظر رکھتے ہوئے ایسی چیکنگ مہمیں مسلسل جاری رکھی جائیں گی اور قانون کی خلاف ورزی کرنے والوں کے خلاف بلا تفریق سخت اقدامات اٹھائے جائیں گے۔ بشرہ منصور نے علاقے کے تاجروں اور دکانداروں سے اپیل کی کہ وہ اپنی ذمہ داریوں کا احساس کریں اور عوام کی صحت و بہبود کو مقدم رکھیں۔
یہ کارروائی علاقے میں خوراک کی معیار کی نگرانی کو مضبوط بنانے کی کوششوں کا حصہ ہے، جو مستقبل میں بھی جاری رہے گی تاکہ عوام کو کسی قسم کی دھوکہ دہی یا صحت کے خطرات سے محفوظ رکھا جا سکے۔