عمرکوٹ (( رپورٹ بیوروچیف ڈاکٹر ایم لال واگھانی)) ایران پر اسرائیلی اور امریکی حملوں کے خلاف سامارو
عمرکوٹ (( رپورٹ بیوروچیف ڈاکٹر ایم لال واگھانی))
ایران پر اسرائیلی اور امریکی حملوں کے خلاف سامارو روڈ میں سید قمبر شاہ منتظر شاہ حامد بنگلانی خیر محمد بنگلانی کامران قریشی خالد حسین فدا حسین چانڈیو جلال عمرانی کی رہنمائی میں احتجاجی ریلی نکالی گئی
تفصیلات کے مطابق ایران پر اسرائیل اور امریکہ کی جانب سے کیے جانے والے حملوں کے خلاف سامارو روڈ میں امام بارگاہ سے مین چوک تک ایک ریلی نکالی گئی اس موقع پر رہنماؤں نے احتجاجی ریلی نکالی اور مظاہرہ کیا، جبکہ ایران کے سپریم لیڈر آیت اللہ علی خامنہ ای اور ان کے بہادر ساتھیوں کی شہادت کو ایک عظیم سانحہ قرار دیا۔رہنماوں کی قیادت میں سید قمبر شاہ منتظر شاہ حامد بنگلانی خیر محمد بنگلانی کامران قریشی خالد حسین فدا حسین چانڈیو جلال عمرانی اور دیگر نے نے ریلی کی صورت میں احتجاج کیا۔ ریلی امام بارگاہ سے شروع ہوئی اور شہر کے مختلف علاقوں سے گزرتی ہوئی ایک مرکزی مقام میں چوک سامارو روڈ پر مظاہرے کی شکل اختیار کر گئی۔ مظاہرین نے پلے کارڈز اور بینرز اٹھا رکھے تھے جن پر ایران پر حملوں کی مذمت اور آیت اللہ خامنہ ای کی شہادت پر افسوس کا اظہار کیا گیا تھا۔میڈیا سے گفتگو کرتے ہوئے رہنماؤں نے کہا کہ آیت اللہ علی خامنہ ای اور ان کے بہادر ساتھیوں کی شہادت اسلامی دنیا کے لیے ایک ناقابل تلافی نقصان ہے۔ آیت اللہ خامنہ ای اسلامی دنیا کے انتہائی مدبر اور بصیرت افروز رہنما تھے، جو ہمیشہ دین اسلام کی سربلندی اور مسلمانوں کی وحدت کے لیے جدوجہد کرتے رہے۔ایسے رہنما صدیوں میں ایک بار پیدا ہوتے ہیں اور انہوں نے ایرانی قوم اور ملک کا دفاع کرتے ہوئے شہادت کی اعلیٰ ترین منزل حاصل کی۔ رہنما نے اسرائیل اور امریکہ کی اس جارحیت کی شدید الفاظ میں مذمت کی اور کہا کہ یہ حملے نہ صرف ایران بلکہ پوری اسلامی امہ پر حملہ برابر ہیں۔
رہنماؤں نے اپنے بیان میں عالمی برادری سے مطالبہ کیا کہ وہ ایران پر حملوں کی مذمت کرے اور اسلامی دنیا کی وحدت کو برقرار رکھنے کے لیے اقدامات اٹھائے۔ احتجاج کے دوران امن و امان کی صورتحال برقرار رہی اور پولیس کی جانب سے سیکیورٹی کے خصوصی انتظامات کیے گئے تھے۔یہ احتجاج پاکستان بھر میں ایران کے ساتھ اظہار یکجہتی کا حصہ ہے، جہاں مختلف شعبہ ہائے زندگی سے تعلق رکھنے والے افراد اور تنظیمیں آیت اللہ خامنہ ای کی شہادت پر غم و غصے کا اظہار کر رہے ہیں۔رہنماؤں نے کہا کہ وہ اس سانحے کے خلاف آواز بلند کرتے رہیں گے اور اسلامی دنیا کی حمایت میں اپنا کردار ادا کریں گے۔