پرنس اینڈریو نے جیفری ایپسٹین کو افغانستان میں سرمایہ کاری کے حوالے سے برطانیہ کی سرکاری
پرنس اینڈریو نے جیفری ایپسٹین کو افغانستان میں سرمایہ کاری کے حوالے سے برطانیہ کی سرکاری دستاویزات فراہم کی تھیں ۔ یہ دستاویزات ہلمند صوبے میں موجود یورینیم ، گولڈ ، ماربل اور آئل اینڈ گیس کے بارے میں تھیں ۔ پرنس اینڈریو انٹرنیشنل ٹریڈ کے لیے برطانیہ کے خصوصی نمائندے تھے اور ہلمند میں برطانیہ کے دستے تعینات تھے ۔
خصوصی نمائندے کی حیثیت سے انہوں نے ہلمند کا دورہ بھی کیا تھا ۔ 2010 میں یہ دستاویزات انہوں نے جیفری ایپسٹین کو فراہم کی تھیں ۔
ای میل ریکارڈ سے پتہ لگتا ہے کہ ویتنام ، ہانگ کانگ ، سنگاپور کے علاوہ کئی دیگر کنٹریکٹ کے حوالے سے بھی معلومات فراہم کیے جانے کا امکان ہے ۔ پرنس اینڈریو سے سرکاری خطابات واپس لیے جا چکے ہیں ۔
اس کی وجہ یہ ہے کہ پرنس پر جیفری ایپسٹین سے تعلقات اور جنسی استحصال کے سنگین الزامات سامنے آئے ہیں ۔
۔۔۔۔۔۔۔۔۔۔۔۔۔۔۔۔۔۔
برطانیہ بہادر کے دستے ستمبر گیارہ کے بعد افغانستان میں امریکہ کے ساتھ آئے تھے ۔ ابتدا میں برطانوی دستوں کو کابل کے اردگرد تعینات کیا گیا تھا ۔ 2006 کے بعد برطانوی دستے مستقل ہلمند میں تعینات رہے ۔ 405 برطانوی فوجی ہلاک اور ہلمند میں تعیناتی کے سولہ سال کے دوران مارے گئے ۔
ڈیوائڈ اینڈ رول کی برطانوی پالیسی ہے ۔ برطانیہ کا فوجی نقصان بہت کم ہوا ہے ۔ ہلمند بلوچستان کے ساتھ لگتا ہے ۔ ہلمند میں 5 فیصد سے کچھ زیادہ بلوچ آبادی موجود ہے ۔
برطانیہ کی ہلمند تعیناتی کے دن بلوچستان میں انسرجنسی کے آغاز کے بھی دن ہیں ۔ برطانیہ کا طالبان کے پاور بیس میں اتنا نقصان نہیں ہوا جتنا پاکستانی صوبے بلوچستان نے بھگتا ۔
۔۔۔۔۔۔۔۔۔۔
ایپسٹن فائلز کو اب تک ایک سیکس سکینڈل کے طور پر ہی دیکھا جا رہا ہے ، یہ شرمناک جنسی سکینڈل اور کم عمر لڑکیوں کے استعمال کے علاوہ ، حکومتوں پر اثرانداز ہونے ، فیصلے تبدیل کرانے ، معاہدے کروانے سیاسی سفارتی اثرات کے گرد پھیلا ایک تہہ در تہہ گورکھ دھندہ بھی ہے ۔🔥