November 17, 2026

نوابشاہ (رپورٹ. انور عادل خانزادہ)صدر این ڈی ایف پاکستان عابد لاشاری کی ترکیہ کے قونصل جنرل ارگل

IMG-20260203-WA0288

نوابشاہ (رپورٹ. انور عادل خانزادہ)صدر این ڈی ایف پاکستان عابد لاشاری کی ترکیہ کے قونصل جنرل ارگل کاداک سے ملاقات این ڈی ایف پاکستان کا معذور افراد کی شمولیتی ترقی کے لیے قونصل خانہ ترکیہ کے ساتھ تعاون پر غورنیشنل ڈس ایبلٹی اینڈ ڈوالپمنٹ فورم (این ڈی ایف) پاکستان کے صدر اور سندھ میں معذور افراد کے انسانی حقوق کے فوکل پرسن، عابد لاشاری نے جمہوریہ ترکیہ کے قونصل جنرل ارگل کاداک سے کراچی میں ملاقات کی۔
ملاقات کے دوران دونوں جانب سے شمولیتی ترقی کے اقدامات پر تبادلہ خیال کیا گیا اور سندھ میں معذور افراد کی بحالی اور بااختیار بنانے کے لیے این ڈی ایف پاکستان اور ترک تعاون و رابطہ ایجنسی (TIKA) کے درمیان ممکنہ تعاون کے امکانات کا جائزہ لیا گیا۔مذاکرات میں اس بات پر زور دیا گیا کہ بین الاقوامی شراکت داریاں بحالی کی خدمات کو مضبوط بنانے، استعداد کار میں اضافے اور کمیونٹی کی سطح پر معاونت کے نظام کو بہتر بنانے میں اہم کردار ادا کرتی ہیں، خاص طور پر ذہنی اور نشوونمائی معذوری کے حامل بچوں کے لیے۔ دونوں فریقین نے مشترکہ کوششوں اور تجربات کے تبادلے کے ذریعے شمولیتی اور پائیدار ترقی کے فروغ کے عزم کا اظہار کیا۔این ڈی ایف پاکستان نے سندھ بھر میں جاری اپنے بحالی اور بااختیار بنانے کے پروگرامز کو بھی اجاگر کیا، جو معذور بچوں اور ان کے خاندانوں کو ضروری خدمات فراہم کر رہے ہیں، اور ترکیہ کے ساتھ تعاون کے مواقع کا خیرمقدم کیا تاکہ ان اقدامات کو مزید وسعت دی جا سکے۔