بہنو! اور بھائیو! بھول میں نہ رہنا۔ پیر 22 دسمبر 2025 انجینیئر نذیر ملک سرگودھا
بہنو! اور بھائیو!
بھول میں نہ رہنا۔
پیر 22 دسمبر 2025
انجینیئر نذیر ملک سرگودھا
رسول اللہ صلی اللہ علیہ والہ وسلم نے فرمایا کہ جس نے حرام کا مال جمع کیا (کمایا) پھر اس سے صدقہ کر دیا تو اس کو صدقہ کا کوئی اجر نہیں ملے گا بلکہ اس پر اِس (حرام مال کمانے) کا وبال ہوگا۔
حوالہ کیلئے دیکھیئے
(صحيح ابن حبان : 3216 ، 3367 ، صحيح الموارد : 665 ، 693 ،
الترغيب والترهيب : 2/8 ، 3/18 ، ، 2/65 ،
صحيح الترغيب : 752 ، 880 ، ،1719)
حرام کھانا :
اکثر افراد کا معاملہ یہ ہوتا ہے کہ انہیں اس بات کی کچھ پرواہ نہیں ہوتی کہ انہوں نے مال کہاں سے کمایا ہے کن ذرائع سے حاصل کیا ہے بلکہ ان کی اصل خواہش یہ ہوتی ہے کہ کسی نہ کسی طرح زیادہ سے زیادہ مال اکٹھا کیا جائے چاہے وہ مال چوری کا ہو’ یا رشوت کا ہو یا کسی کا حق مار کر حاصل کیا گیا ہو یا سود سے حاصل ہو’ یا یتیم کا مال ہو’ یا زکوٰة کی رقم ہویا جھوٹ’ فریب اور دھوکے سے حاصل کیا گیا ہو’ وغیرہ۔
حالانکہ اللہ کے رسول صلی اللہ علیہ وسلم کا ارشاد ہے:
(اِنَّہ لَنْ یَدْخُلَ الْجَنَّةَ لَحْم نَبَتَ مِنْ سُحْتٍ) (١٣)
‘وہ جسم جنت میں ہرگز داخل نہ ہو گا جو کہ حرام کمائی سے پروان چڑھا ہو ۔”
جس شخص کی کمائی حرام کی ہو اُس کی دعا بھی قبول نہیں ہوتی :
رسول اللہ صلی اللہ ولیہ وسلم نے ایک مرتبہ صحابہ کرام کے درمیان ایک ایسے شخص کا نقشہ کھینچا جو کہ لمبا سفر کر کے بیت اللہ کی زیارت کے لیے ⁴آیا۔ اس کے سر کے بال گرد و غبار سے اَٹے ہوئے تھے اور وہ آسمان کی طرف اٹھا اٹھا کر دعائیں کر رہا تھا اور کہہ رہا تھا
یَارَبِّ یَارَبِّ وَمَطْعَمُہ حَرَام وَمَشْرَبُہ حَرَام وَمَلْبَسُہ حَرَام وَغُذِیَ بِالْحَرَامِ فَاَنّٰی یُسْتَجَابُ لِذٰلِکَ (١٤)
”اے میرے ربّ! اے میرے ربّ! حالانکہ اس کا کھانا حرام کا ہے اس کا پینا حرام کاہے اس کا لباس حرام کا ہے اور حرام مال اس کی غذا ہے تو اس کی دعا کہاں سے قبول کی جائے!”
بیت اللہ جیسے بابرکت مقام میں اور حج جیسے عظیم موقع پر ایک شخص خانہ کعبہ کے پردے پکڑ پکڑ کر ہی کیوں نہ دعا کرے اس کی دعا اُس وقت تک قبول نہ ہو گی جب تک کہ اس کا رزق حلال نہ ہو گا۔ آج کل ہماری دعائوں کے قبول نہ ہونے کی وجوہات میں ایک بڑی وجہ رزقِ حلال کا نہ ہونا بھی ہے۔
الدعاَء
یا اللہ تعالی میں تجھ سے رزق حلال کا سوال کرتا ہوں اور رزق حرام سے تیری پناہ مانگتا ہوں۔۔
آمین یا رب العالمین۔
Please visit us at www.nazirmalik.com Cell 0092300860 4333
