تھانہ کرم پور کی حدود سے مضر صحت گوشت برآمد ہونے کی ایف آئی آر درج
تھانہ کرم پور کی حدود سے مضر صحت گوشت برآمد ہونے کی ایف آئی آر درج
ایف آئی آر کے مطابق ایس ایچ او تھانہ کرم پور چوہدری شہزاد امین کی سربراہی اے ایس آئی رائے اعجاز ناصر نے دوران پٹرولنگ رکشہ کو پکڑا جس میں ذبح شدہ جانور موجود تھا رکشہ اور ذبح شدہ جانور تحویل میں لیکر ملزمان کو حراست میں لیا گیا اور پنجاب فوڈ اتھارٹی اور محمکہ لائیو سٹاک کی ٹیم طلب کی جہاں پر ویٹرنری ڈاکٹر عمیر اقبال نے رکشے میں موجود گائے کے گوشت کو انسانی صحت کو مضر قرار دے دیا اور گوشت کے مضر صحت ہونے کا تحریری سرٹیفکیٹ جاری کیا جبکہ گوشت کو تلف کرنے کے بعد کرم پور کے قصابوں محبوب ، اسلم ،شہروز اور اختر اقوام اعوان ملک کیخلاف سنگین دفعات کے تحت مقدمہ درج کرلیا گیا
ایس ایچ او تھانہ کرم پور چوہدری شہزاد امین کا کہنا تھا کہ یہ ملزمان قبل ازاں بھی مضر صحت گوشت فروخت کرتے تھے جن کی گرفتاری کیلئے کافی دنوں سے کوشش کررہے تھے اور ہر دفعہ چکما دے کر فرار ہوجاتے تھے کسی کو انسانی صحت سے کھلواڑ کرنے کی ہرگز اجازت نہیں دے سکتے اور یہ پیغام زیر حراست ملزمان کے علاوہ ایسے گھناؤنے کھیل میں ملوث دیگر عناصر کیلئے بھی ہے
