چشتیاں شریف ضلع بہاول نگر میں عوام کی حالت انتہائی تکلیف دہ اور پریشان کن ہے صاحب ثروت لوگ طوفانی بارشوں کی وجہ سے اپنا طرز زندگی تبدیل کرنے پر مجبور ہیں
چشتیاں شریف
ضلع بہاول نگر میں عوام کی حالت انتہائی تکلیف دہ اور پریشان کن ہے صاحب ثروت لوگ طوفانی بارشوں کی وجہ سے اپنا طرز زندگی تبدیل کرنے پر مجبور ہیں ضلع بہاول نگر کی سالانہ اوسط بارش سے چھ گنا سے بھی زائد بارش ایک ہی دن میں نازل ہوئی جس سے انتہائی تکلیف دہ صورتحال پیدا ہوئی پنجاب حکومت کی طرف سے مختلف ٹیموں کی ہارون آباد آمد بالخصوص کمشنر بہاولپور محترمہ مسرت جبین کے دورہ تحصیل ہارون اباد سمیت متعدد اقدامات کے باوجود شہریوں کی حالت پریشان کن ہے
ان خیالات کا اظہار سابق صدر چیمبر اف کامرس لاہور سینیٹر ظفر اقبال چوہدری نے ہارون اباد تحصیل کی بحرانی صورتحال ہر اظہار خیال کرتے ہوئے کیا
سابق صدر چیمبر آف کامرس نے کہا تحصیل ہارون اباد میں 10 گھنٹے کی بارش سے 10 ارب روپے سے زائد کا کاشتکاروں کو نقصان ہوا اگر حکومت نے بروقت اقدامات نہ اٹھائے تو اس نقصان کا خمیازہ وہ آنے والے کئی سالوں تک بھگتتے رہیں گے چیف سیکرٹری پنجاب سیکرٹری آبپاشی کمشنر بہاولپور ڈپٹی کمشنر بہاول نگر اور دیگر اعلی حکام سے ایک ہی مطالبہ دہرا رہے ہیں کے متاثرین بارش کے لیے بروقت ایمرجنسی اقدامات اٹھائے جائیں اور طویل مدت کے اقدامات میں سیم نہروں کی مکمل صفائی کر کے سیم نہروں کے منصوبے کو سو فیصد فیصد مکمل کیا جائے
ظفر اقبال چوہدری نے کہا حالیہ طوفانی بارشوں کے نقصانات سے متاثرین کی کمر ٹوٹ گئی ہے غریبوں کے کچے مکانات کا شدید نقصان ہوا جانوروں کا نقصان ہوا ہے جانوروں کا چارہ تک میسر نہیں املاک کے شدید نقصانات سے بڑھ کر انسانی جانی نقصانات ہوئے جن کا کوئی نعم البدل نہیں طوفانی بارشوں کی زد میں آ کر جان بحق ہونے والے افراد کے درجات کی بلندی اور لواحقین کے صبر و جمیل کے لیے دعا گو ہیں متاثرہ فیملیز کے غم میں برابر کے شریک ہیں رب ذوالجلال ہمت و استقامت عطا فرمائے