November 18, 2026

*پی ٹی اے کی صارفین کو غیررجسٹرڈ موبائل فون رجسٹر کرانے کی ہدایت۔*

20250616_084957

*پی ٹی اے کی صارفین کو غیررجسٹرڈ موبائل فون رجسٹر کرانے کی ہدایت۔*

پی ٹی اے کی جانب سے جاری کردہ ایڈوائزری میں زور دیا گیا کہ صارفین خود ٹیکس ادائیگی کے ذریعے اپنے فون رجسٹر کروائیں۔

اتھارٹی کے مطابق موبائل فون کی رجسٹریشن صرف بینک چینلز کے ذریعے فیڈرل بورڈ آف ریونیو (ایف بی آر) کے ساتھ خود کی جانی چاہیے۔

صارفین کو ہدایت کی گئی ہے کہ وہ جعلی دعوؤں اور فراڈ آفرز سے ہوشیار رہیں جو غیر قانونی طریقوں سے رجسٹریشن کی پیشکش کرتے ہیں۔

پی ٹی اے نے کہا کہ موبائل فون خریدنے سے پہلے آئی ایم ای آئی نمبر چیک کرنا ضروری ہے اور صرف پی ٹی اے سے رجسٹرڈ فون خریدے جائیں۔

ایڈوائزری میں کہا گیا کہ غیر رجسٹرڈ موبائل فون استعمال کرنے والوں کے فون بلاک ہو سکتے ہیں، جو صارفین کے لیے مشکلات کا باعث بن سکتے ہیں۔

اتھارٹی نے صارفین سے اپیل کی کہ وہ اپنے فون کی رجسٹریشن کے عمل کو یقینی بنائیں اور صرف باضابطہ چینلز کے ذریعے ٹیکس ادا کریں تاکہ ان کے آلات محفوظ رہ سکیں۔