ہارون آباد (نمائندہ خصوصی سٹی رپورٹر)مون سون کی پہلی بارش نے ہی میونسپل کمیٹی ہارون آباد کی کارکردگی کا پول کھول دیا بارش کے سبب موسم تو خوشگوار ہو گیا لیکن میونسپل کمیٹی کے عملے کی مبینہ غفلت سے شہر بھر کے گٹر ابل پڑے ہیں اور سیوریج بند ہے،گلیاں،بازار ندی نالوں اور تالابوں کا منظر پیش کرنے لگی۔
ہارون آباد میں وقفے وقفے سے ہونے والی موسلادھار بارش نے میونسپل کمیٹی کی کارکردگی کا پول کھول دیا ہے بارش اور ناقص نکاسی آب کے نظام کیے باعث بارش کا پانی گھروں اور دکانوں میں داخل ہو گیا ہے جس کے باعث شہری گھروں میں محصور ہو کر رہ گئے ہیں میونسپل کمیٹی اور تحصیل انتظامیہ کی جانب سے نکاسی آب کے نالوں اور گٹروں کی بروقت صفائی نہ ہونے کے باعث شہر بھر کے گٹر ابل پڑے ہیں جس کے باعث سڑکیں،گلیاں اور بازار ندی نالوں کی شکل اختیار کر گئے ہیں پنجاب حکومت کی پری مون سون اقدامات کی ہوا نکل گئی وزیر اعلیٰ پنجاب کے احکامات والے ریلیف کیمپ کے سامنے مین سڑک پر پانی جمع ہو گیا میونسپل کمیٹی کے اندر اور باہر مین گیٹ پر بھی پانی جمع ہو گیا ہارون آباد کا سیوریج سسٹم عرصہ دراز سے ناکارہ ہو چکا ہے جس کی وجہ بارش کا پانی لوگوں کے لئے رحمت کی بجائے زحمت بن جاتا ہے شہریوں نے ڈپٹی کمشنر بہاولنگر اور اسسٹنٹ کمشنر ہارون آباد سے مطالبہ کیا ہے کہ صفائی کے مؤثر اقدامات کرنے کے لیے ہنگامی طور پر ایکشن لیا جائے تاکہ مون سون کے سیزن میں حالات پر قابو پایا جاسکے اور شہریوں کے لئے آسانی پیدا ہو سکے۔
71
