لاہور (راجہ نورالہی عاطف سے) لاہور پریس کلب میں نیشنل ویمن جرنلسٹس فورم کی جانب سے صدر فرزانہ چوہدری کی قیادت میں صحافی خواتین کے لیے مینگو پارٹی کا اہتمام کیا گیا۔ اس مینگو پارٹی کا اہتمام خصوصی طور پر سینئر پروڈیوسر پی ٹی وی مبشرہ سلطان کے پی ٹی وی شعبہ کرنٹ افیئرز کی سربراہ بننے اور سینئر صحافی صوفیہ یزدانی پرائیڈ آف پرفارمینس کے حج کی سعادت حاصل کرنے، سینئر صحافی شمائلہ اقبال مرحومہ کی بیٹی ماہم تجمل کے میٹرک کے امتحان میں 1047 نمبر لینے کی نمایاں کامیابی حاصل کرنے پر اور نجف جنرل سیکرٹری کی بیٹی ایمان فاطمہ کی میٹرک کے امتحان میں شاندار کامیابی حاصل کرنے کے اعزاز میں کیا گیا۔ مینگو پارٹی میں صحافی خواتین نے بھرپور شرکت کی جن میں سینئر صحافی درخشندہ علمدار، رفعیہ ناہید اکرام، سعدیہ صلاح الدین، رابعہ عظمت، ڈاکٹر صائمہ اقبال، عفت علوی، نبیلہ اکبر، اقراء مغل، لبنی خان، فوزیہ سلطانہ، عینی باجوہ، عافیہ مقبول، فرح علوی، عائشہ تحسین، شکیلہ عاطف، ماہ نور عمران، ایمان فاطمہ و دیگر نے رنگ برنگے دیدہ زیب خوش رنگ ملبوسات زیب تن کر کے اپنی خوشی کا بھرپور اظہار کیا اور اس تقریب کی رونق کو دوبالا کیا۔ نیشنل ویمن جرنلسٹس فورم کی طرف سے مینگو پارٹی میں میٹھے رسیلے آموں کے ساتھ ہلکی پھلکی بارش کے موسم میں چائے پکوڑوں،چپس اور دیگر لوازمات سے مہمان نوازی کی گئ۔ ماہم تجمل کی میٹرک میں شاندار کامیابی پر درخشندہ علمدار، سعدیہ صلاح الدین اور لبنیٰ خان نے تحائف بھی دیئے۔
12
