خوشاب (راجہ نورالہی عاطف سے)
ڈپٹی کمشنر/ایڈمنسٹریٹر ڈسٹرکٹ ہیلتھ اتھارٹی خوشاب ڈاکٹر جہانزیب حسین لابر کی زیرِ صدارت ای پی آئی ایکسیلریشن کمیٹی کا ماہانہ اجلاس منعقد ہوا، جس میں ضلع بھر میں حفاظتی ٹیکہ جات پروگرام کی کارکردگی، کوریج، اہم اشاریوں اور آئندہ کے لائحۂ عمل کا تفصیلی جائزہ لیا گیا۔
اجلاس کے دوران *_ڈاکٹر راؤ گلزار یوسف، ڈسٹرکٹ ہیلتھ آفیسر*_ نے ای پی آئی پروگرام کی مجموعی کارکردگی، روٹین امیونائزیشن کوریج، مختلف کارکردگی اشاریوں اور درپیش چیلنجز پر جامع بریفنگ دی۔ اس امر پر زور دیا کہ ایچ پی وی کی کوریج کو مزید بہتر بنانے کی ضرورت ھے۔
*_ڈاکٹر نبیل سلیم، چیف ایگزیکٹو آفیسر*_ نے بتایا کہ ضلع خوشاب میں ای پی آئی پروگرام کے اہم اشاریے مجموعی طور پر تسلی بخش ہیں، تاہم بہتر نتائج کے لیے مسلسل مانیٹرنگ، مؤثر فیلڈ سپرویژن اور بین الادارہ جاتی تعاون کو مزید مضبوط بنایا جا رہا ہے۔
اجلاس میں ڈاکٹر طارق سلیم (ڈویژنل ای پی آئی آفیسر، ورلڈ ہیلتھ آرگنائزیشن)، ڈاکٹر طاہر حیات ملک، ڈاکٹر وسیم زمان، ڈاکٹر توقیر احمد قیصر (ڈپٹی ڈسٹرکٹ ہیلتھ آفیسرز)، محمد امتیاز (DSV)، محمد عمران (فوکل پرسن) اور عمر شہزاد (ہیلتھ اینڈ نیوٹریشن آفیسر) سمیت متعلقہ افسران نے شرکت کی۔
اجلاس سے خطاب کرتے ہوئے *_ڈپٹی کمشنر ڈاکٹر جہانزیب حسین لابر_* نے ہدایت کی کہ تمام فیلڈ ٹیمیں باہمی رابطے اور مربوط حکمتِ عملی کے تحت کام کریں تاکہ ضلع کے ہر بچے تک بروقت اور معیاری حفاظتی ٹیکہ جات کی سہولت پہنچائی جا سکے۔ انہوں نے عوامی آگاہی میں اضافے، مؤثر مانیٹرنگ، باقاعدہ جائزہ اجلاسوں اور سو فیصد کوریج کے حصول کے لیے تمام دستیاب وسائل بروئے کار لانے کی بھی ہدایت کی۔
4
