افسوس ناک خبر: لاہور میں کاہنہ کے علاقے میں گھر میں بنی ٹیوشن اکیڈمی کی چھت گرنے سے 14 بچے جاں بحق، متعدد زخمی
لاہور: کاہنہ میں ٹیوشن اکیڈمی کی چھت گرنے سے 14 بچے جاں بحق، متعدد زخمی
لاہور کے علاقے کاہنہ میں گھر میں قائم ایک ٹیوشن اکیڈمی کی چھت گرنے سے کم از کم 14 بچے جاں بحق جبکہ متعدد زخمی ہو گئے۔ افسوسناک حادثے کے بعد علاقے میں کہرام مچ گیا اور ریسکیو 1122، پولیس اور ضلعی انتظامیہ کی ٹیمیں فوری طور پر موقع پر پہنچ گئیں۔
ریسکیو اہلکاروں نے مقامی افراد کی مدد سے ملبے تلے دبے بچوں کو نکال کر قریبی اسپتالوں میں منتقل کیا، جبکہ زخمیوں میں بعض کی حالت تشویشناک بتائی جا رہی ہے، جس کے باعث ہلاکتوں میں اضافے کا خدشہ ظاہر کیا جا رہا ہے۔
ابتدائی اطلاعات کے مطابق حادثہ عمارت کی چھت اچانک منہدم ہونے کے باعث پیش آیا، تاہم واقعے کی اصل وجہ جاننے کے لیے تحقیقات شروع کر دی گئی ہیں۔ ضلعی انتظامیہ نے جائے حادثہ کا معائنہ کیا اور متعلقہ حکام سے رپورٹ طلب کر لی ہے۔
وزیراعلیٰ پنجاب نے افسوسناک واقعے پر گہرے دکھ اور افسوس کا اظہار کرتے ہوئے جاں بحق بچوں کے لواحقین سے تعزیت کی ہے، زخمیوں کو بہترین طبی سہولیات فراہم کرنے اور واقعے کی شفاف تحقیقات کی ہدایت بھی جاری کر دی ہے۔
8
