سکھر۔ بیورو چیف سید نصیر حسین زیدی: سکھر ڈسٹرکٹ بار کے باہر کربلا کے شہداء کی یاد میں ہائی کورٹ کے وکیل سانوَن خان جاگیرانی اور ان کے ساتھی وکلاء ندیم خان، جي کمار ایڈووکیٹ اور دیگر کی جانب سے نیاز کی سبیل کا اہتمام کیا گیا۔
اس موقع پر میر غلام صادق ٹالپر نے خصوصی دعا کرائی اور نیاز و سبیل کی تقسیم کا آغاز کیا۔
میڈیا سے گفتگو کرتے ہوئے انہوں نے کہا کہ ایک شخص نے حضرت محمد ﷺ سے جنت کا راستہ دریافت کیا تو آپ محمد ﷺ نے فرمایا کہ لوگوں کو پانی پلانا جنت کا راستہ ہے۔ انہوں نے کہا کہ اس عمل سے انسان جسمانی اور روحانی بیماریوں سے نجات حاصل کرتا ہے۔
انہوں نے مزید کہا کہ آج کے دور کے تمام سماجی مسائل کا حل امام حسینؑ کے دیے گئے پیغام میں پوشیدہ ہے۔ کربلا ہمیں محبت، بھائی چارے، اتحاد اور یگانگت کا درس دیتی ہے اور ان اقدار کو فروغ دینا بہترین عمل ہے۔
انہوں نے کہا کہ شعور انسان کو ایک دوسرے کا احترام کرنا سکھاتا ہے جبکہ ادب اور حسنِ اخلاق ایک نہایت عمدہ اور قابلِ ستائش عمل ہے۔
