زمین کی گردش کی رفتار آہستہ آہستہ کم ہو رہی ہے کیونکہ چاند کی کششِ ثقل زمین کے سمندروں کو اپنی طرف کھینچتی ہے، جس سے مد و جزر کے ابھار (tidal bulges) پیدا ہوتے ہیں- سیارہء زمین کے گھومنے کے ساتھ ساتھ یہ ابھار حرکت میں تھوڑا پیچھے رہ جاتے ہیں- یہ پیچھے رہ جانا مد و جزر کی رگڑ (tidal friction) پیدا کرتی ہے، جو زمین کی گردش پر بریک کی طرح کام کرتی ہے- وقت کے ساتھ ساتھ زمین کی گردش کی کچھ توانائی چاند میں منتقل ہو جاتی ہے، جس کی وجہ سے چاند آہستہ آہستہ دور ہو رہا ہے- نتیجے کے طور پر، ہر صدی میں ایک دن کے دورانیے میں تقریباً چند ملی سیکنڈز کا اضافہ ہو جاتا ہے- اس عمل کو زمین اور چاند کی حرکیات (dynamics) کا مطالعہ کرنے والے ناسا (NASA) کی جیٹ پروپلشن لیبارٹری اور ہارورڈ یونیورسٹی کے سائنسدانوں کی جیو فزیکل ریسرچ (ارضیاتی طبیعیاتی تحقیق) میں بیان کیا گیا ہے- یہ تحقیق ہمیں بتاتی ہے کہ کائنات جامد نہیں ہے بلکہ اس میں انتہائی سست مگر مستقل تبدیلیاں رونما ہو رہی ہیں-
7
