درخواست برائے فوری ایکشن: پبلک مقامات سے منشیات کے خاتمے کا مطالبہ
منجانب: ڈاکٹر ایم لال واگھانی جنرل سیکریٹری منارٹی ونگ انٹرنیشنل ہیومن رائٹس موومنٹ)
بخدمت جناب: وزیر اعلیٰ سندھ / انسپکٹر جنرل (IG) پولیس سندھ
اہم مطالبات اور عوامی مسائل کی نشاندہی:
عوامی مقامات پر کریک ڈاؤن: کراچی سمیت سندھ بھر کے تمام پارکوں، سڑکوں، فلائی اوورز (پلوں) کے نیچے اور دیگر پبلک پوائنٹس پر چرس، ہیروئن اور دیگر مہلک منشیات استعمال کرنے والوں کے خلاف فوری طور پر گرینڈ کریک ڈاؤن کیا جائے۔
فوری گرفتاری اور سزا: سرِعام نشہ کرنے والے افراد کو موقع پر گرفتار کر کے کم از کم تین تین ماہ کی سزا دی جائے، تاکہ ان کی اس عادت کا خاتمہ ہو سکے اور وہ بحالی کی طرف مائل ہو کر معاشرے کے کارآمد شہری بن سکیں۔
معاشرتی اور ذہنی اثرات: سڑکوں اور پارکوں میں کھلے عام نشہ کرنے کی وجہ سے وہاں سے گزرنے والے معصوم بچوں کے ذہنوں پر انتہائی منفی اثرات مرتب ہو رہے ہیں اور پورے علاقے کا ماحول خراب ہو رہا ہے۔
سیاحت اور ملک کا امیج: پاکستان (خصوصاً سندھ اور کراچی عمرکوٹ میرپوخاص ڈیوژن) میں آنے والے غیر ملکی سیاح جب عوامی مقامات پر اس طرح سرِعام منشیات کا استعمال دیکھتے ہیں، تو بین الاقوامی سطح پر ملک کا امیج بری طرح متاثر ہوتا ہے۔ وہ یہاں کے امن و امان اور انتظامیہ کے بارے میں اچھا تاثر لے کر نہیں جاتے۔
سپلائرز کے خلاف سخت کارروائی: منشیات کے عادی افراد کو پکڑنے کے ساتھ ساتھ، اس زہر کو بیچنے والے اور سپلائی کرنے والے عناصر (ڈرگ پیڈلرز) کے خلاف بھی فوری اور سخت ترین قانونی کارروائی عمل میں لائی جائے۔
اپیل:
انٹرنیشنل ہیومن رائٹس موومنٹ حکومتِ سندھ اور آئی جی سندھ سے پرزور مطالبہ کرتی ہے کہ اس سنگین معاملے پر فوری نوٹس لیا جائے۔ شہر کے ماحول کو پاک کرنے، نئی نسل کو بچانے اور امن و امان کی صورتحال کو بہتر بنانے کے لیے تمام ذمہ داران کو سلاخوں کے پیچھے دھکیلا جائے
ڈاکٹر ایم لال واگھانی
جنرل سیکریٹری صوبہ سندھ انٹرنیشنل ہیومن رائٹس موومنٹ
12
