قربانی ہمارے پیارے نبی محمد رسول اللہ ﷺ کی سنت مبارکہ ہے۔پیر سید عنایت علی شاہ
اسلام میں قربانی سنت ابراہیمی کی یاد اور تقوی کی علامت ہے۔سربراہ تحریک عشق مصطفی انٹرنیشنل
پشاور(نمائندہ خصوصی)گلوبل ٹائمز میڈیا یورپ کے مطابق تحریک عشق مصطفی انٹرنیشنل کے سربراہ پیر سید عنایت علی شاہ باچا المعروف موتیوں والا سرکار نے کہا کہ اسلام میں قربانی سنت ابراہیمی کی یاد اور تقویٰ کی علامت ہے۔ اس کی فضیلت بے شمار ہے انہوں نے کہا کہ احادیث مبارکہ ہے کہ جانور کے ہر بال کے بدلے نیکی ملتی ہے اور زمین پر خون کا پہلا قطرہ گرنے سے پہلے ہی گناہ معاف کر دیے جاتے ہیں۔انہوں نے کہا کہ قربانی کے جانور کا خون زمین پر گرنے سے پہلے اللہ کی بارگاہ میں قبول ہو جاتا ہے اور صاحبِ قربانی کے تمام پچھلے گناہ بخش دیے جاتے ہیں۔انہوں نے کہا کہ حضرت عائشہ رضی اللہ عنہا سے روایت ہے کہ قربانی کے جانور کے جسم پر جتنے بال ہوتے ہیں، اتنی ہی نیکیاں اللہ تعالیٰ کی طرف سے عطا کی جاتی ہیں۔تحریک عشق مصطفی انٹرنیشنل کے سربراہ پیر سید عنایت علی شاہ باچا المعروف موتیوں والا سرکار نے عید الاضحٰی کے موقع پر گلوبل ٹائمز میڈیا یورپ کے ساتھ ایک انٹرویو میں کہا کہ قربانی ہمارے پیارے نبی محمد رسول اللہ ﷺ کی سنت مبارکہ ہے اس لیے تمام مسلمانوں کو بھی قربانی کرنے کی کوشش کرنی چاہیے انہوں نے کہا کہ ہمارے نبی ﷺ نے عید الاضحی کے موقع پر قربانی کرنے میں مداومت اور ہمیشگی فرمائی ہے۔
