شکارپور میں والمیکی پرگھٹ دیوس کی تقریب، ڈاکٹر وجے کمار جے جے وشنو والمیکی کا کشمیری عوام سے اظہارِ یکجہتی
شکارپور میں والمیکی پرگھٹ دیوس کی تقریب، ڈاکٹر وجے کمار جے جے وشنو والمیکی کا کشمیری عوام سے اظہارِ یکجہتی
کشمیریوں کے بنیادی انسانی حقوق بحال کیے جائیں، بھارتی مظالم بند اور عالمی برادری خاموشی توڑے، ڈاکٹر وجے کمار جے جے وشنو والمیکی
رپوٹ وجئے کمار واسوانی دعا ان لائین نیوز
: شکارپور میں والمیکی پرگھٹ دیوس کے موقع پر مندر میں منعقدہ تقریب کے دوران آل پاکستان مینارٹی رابطہ کمیٹی کے چیئرمین ڈاکٹر وجے کمار جے جے وشنو والمیکی نے کشمیری عوام کے ساتھ مکمل یکجہتی کا اظہار کرتے ہوئے عالمی برادری اور انسانی حقوق کی تنظیموں سے مطالبہ کیا کہ کشمیر میں انسانی حقوق کی خلاف ورزیوں کا نوٹس لیا جائے اور کشمیری عوام کو ان کا حقِ خودارادیت دیا جائے۔
ڈاکٹر وجے کمار جے جے وشنو والمیکی نے اپنے بیان میں کہا کہ کشمیری عوام کی جدوجہد کی مکمل حمایت کرتے ہیں اور اپنے کشمیری بھائیوں کے ساتھ کھڑے ہیں۔ انہوں نے کہا کہ معصوم بچوں، خواتین، بزرگوں اور نوجوانوں پر ہونے والے مظالم قابلِ مذمت ہیں۔ عالمی برادری کو چاہیے کہ وہ کشمیر میں ہونے والی انسانی حقوق کی خلاف ورزیوں کے خلاف خاموشی توڑے اور کشمیری عوام کو انصاف دلانے کے لیے مؤثر کردار ادا کرے۔
انہوں نے مزید کہا کہ کشمیر میں قتل و غارت گری کا خاتمہ، انسانی حقوق کی بحالی اور کشمیری عوام کو ان کے بنیادی حقوق کی فراہمی وقت کی اہم ضرورت ہے۔ انہوں نے بھارتی حکومت کی پالیسیوں اور مبینہ مظالم کی شدید مذمت کرتے ہوئے اقوامِ متحدہ اور انسانی حقوق کی عالمی تنظیموں سے اپیل کی کہ وہ کشمیری عوام کے تحفظ اور ان کے حقِ خودارادیت کے لیے آواز بلند کریں۔
ڈاکٹر وجے کمار جے جے وشنو والمیکی نے کہا کہ کشمیری عوام کے ساتھ اظہارِ یکجہتی اور ان کے حقوق کے لیے آواز اٹھانا ہر باشعور انسان کی ذمہ داری ہے۔ انہوں نے اس عزم کا اظہار کیا کہ آل پاکستان مینارٹی رابطہ کمیٹی کشمیری عوام کے جائز حقوق اور انسانی وقار کے لیے اپنی حمایت جاری رکھے گی۔
پاکستان زندہ باد! پاک فوج زندہ باد! کشمیر بنے گا پاکستان!
ڈاکٹر وجے کمار جے جے وشنو والمیکی
چیئرمین، آل پاکستان مینارٹی رابطہ کمیٹی
