ڈسٹرکٹ ہیلتھ آفیسر چارسدہ کا ٹی ایچ کیو ہسپتال تنگی کا دورہ۔ اس موقع پر میڈیکل سپرنٹنڈنٹ ڈاکٹر آمین خٹک اور ڈپٹی میڈیکل سپرنٹنڈنٹ ڈاکٹر کاشف جان بھی ان کے ہمراہ تھے۔
ڈسٹرکٹ ہیلتھ آفیسر چارسدہ کا ٹی ایچ کیو ہسپتال تنگی کا دورہ۔
اس موقع پر میڈیکل سپرنٹنڈنٹ ڈاکٹر آمین خٹک اور ڈپٹی میڈیکل سپرنٹنڈنٹ ڈاکٹر کاشف جان بھی ان کے ہمراہ تھے۔
چارسدہ(نمائندہ خصوصی)گلوبل ٹائمز میڈیا یورپ کے مطابق ڈسٹرکٹ ہیلتھ آفیسر چارسدہ ڈاکٹر حماد نے تحصیل ہیڈکوارٹر ہسپتال تنگی کا تفصیلی دورہ کیا۔ اس موقع پر میڈیکل سپرنٹنڈنٹ ڈاکٹر امین خٹک اور ڈپٹی میڈیکل سپرنٹنڈنٹ ڈاکٹر کاشف جان بھی ان کے ہمراہ تھے۔دورے کے دوران ڈسٹرکٹ ہیلتھ آفیسر نے ہسپتال کے مختلف شعبہ جات، بشمول وارڈز، آؤٹ پیشنٹ ڈیپارٹمنٹس (OPDs)، ایمرجنسی سروسز اور مریضوں کو فراہم کی جانے والی دیگر طبی سہولیات کا تفصیلی معائنہ کیا۔ انہوں نے عملے کی حاضری اور ڈیوٹی روسٹر کا جائزہ لیا اور تمام عملے کو اپنی مقررہ ڈیوٹی کے مطابق حاضر پایا۔انہوں نے ہسپتال کے میڈیسن اسٹور کا بھی معائنہ کیا اور تصدیق کی کہ او پی ڈی اور ایمرجنسی میں آنے والے مریضوں کے لیے تمام بنیادی اور ضروری ادویات دستیاب ہیں، تاکہ مریضوں کو بروقت طبی سہولیات فراہم کی جا سکیں۔مزید برآں، ڈسٹرکٹ ہیلتھ آفیسر نے ای پی آئی (EPI) ڈیپارٹمنٹ کا دورہ کیا، جہاں آئندہ پولیو مہم کی تیاریوں کے سلسلے میں یونین کونسل پولیو ایریڈیکیشن کمیٹی (UPEC) کا اجلاس جاری تھا۔ یہ پولیو مہم 2 نومبر 2026 سے شروع ہوگی۔ انہوں نے اجلاس کی کارروائی اور مہم کے لیے کی جانے والی تیاریوں کا جائزہ لیا۔اس موقع پر ڈاکٹر حماد نے تمام یو پی ای سی چیئرمینز اور ایریا انچارجز کو ہدایت کی کہ پانچ سال سے کم عمر کے ہر بچے کو پولیو سے بچاؤ کے قطرے پلانے کو یقینی بنایا جائے۔ انہوں نے خصوصی طور پر ناٹ اویلیبل (NA) بچوں اور گزشتہ پولیو مہمات کے دوران انکار کرنے والے والدین کے بچوں تک رسائی حاصل کرکے انہیں پولیو سے بچاؤ کے قطرے پلانے پر زور دیا، تاکہ کوئی بھی بچہ پولیو ویکسین سے محروم نہ رہے۔دورے کے اختتام پر ڈسٹرکٹ ہیلتھ آفیسر ڈاکٹر حماد نے میڈیکل سپرنٹنڈنٹ ڈاکٹر امین خٹک اور ہسپتال انتظامیہ کی اچھی کارکردگی، مؤثر انتظامی امور اور عوام کو معیاری طبی سہولیات فراہم کرنے کے عزم کو سراہا۔ڈاکٹر حماد نے ہسپتال انتظامیہ کو یقین دلایا کہ ڈسٹرکٹ ہیلتھ آفس چارسدہ ہسپتال میں موجود کسی بھی کمی یا انتظامی مسئلے کو حل کرنے اور صحت کی سہولیات کو مزید بہتر بنانے کے لیے ہر ممکن تعاون اور مدد فراہم کرنے کے لیے ہمہ وقت تیار ہے۔
