مسلح JAAC ہجوم نے جدید ہتھیاروں سے لیس ہو کر CMH راولاکوٹ پر حملہ کر دیا۔ ابتدائی اطلاعات کے مطابق یہ حملہ شاہزیب کے جنازے کی آڑ میں ایک منظم اور پیشگی منصوبہ بندی کے تحت کیا گیا۔ JAAC کے مسلح عناصر نے براہِ راست فائرنگ کی جس کے نتیجے میں آزاد کشمیر پولیس کے 3 اہلکار اور فیڈرل کانسٹیبلری کا 1 جوان شہید ہو گیا، جبکہ قانون نافذ کرنے والے اداروں کے 20 سے زائد اہلکار گولیوں کے زخموں کے ساتھ زخمی ہوئے ہیں۔
حملے کا طریقۂ کار اور اس میں استعمال ہونے والی حکمتِ عملی اس امر کو بلا شبہ ثابت کرتی ہے کہ یہ ایک پیشگی منصوبہ بند دہشت گرد کارروائی تھی، جس کی منصوبہ بندی JAAC کی قیادت نے کی اور اسے ان کے مسلح غنڈہ عناصر نے عملی جامہ پہنایا۔
ریاست اس شرپسند اور دہشت گرد گروہ کے خلاف فیصلہ کن اور بھرپور کارروائی کرے گی۔ حملے کے تمام منصوبہ سازوں، سہولت کاروں اور حملہ آوروں کو قانون کے کٹہرے میں لایا جائے گا اور ریاستی رٹ ہر قیمت پر قائم کی جائے گی۔
