17

*پنجاب کے نجی میڈیکل کالجز میں داخلوں کی عبوری میرٹ لسٹ جاری، کم سے کم میرٹ 80 فیصد سے زائد رہنے کا امکان ہے۔*

*پنجاب کے نجی میڈیکل کالجز میں داخلوں کی عبوری میرٹ لسٹ جاری، کم سے کم میرٹ 80 فیصد سے زائد رہنے کا امکان ہے۔*

لاہور، 4 فروری ( )— یونیورسٹی آف ہیلتھ سائنسز (یو ایچ ایس) نے پنجاب کے نجی میڈیکل کالجز میں داخلے کے لیے عبوری میرٹ لسٹ جاری کر دی۔ تمام 8104 درخواست گزاروں کی فہرست یو ایچ ایس کی ویب سائٹ پر دستیاب ہے۔

جاری کردہ میرٹ لسٹ اوپن میرٹ اور اوورسیز کیٹگری کے لیے علیحدہ علیحدہ مرتب کی گئی ہے، اور اسی بنیاد پر امیدواروں کو میڈیکل کالجز الاٹ کیے جائیں گے۔ اس سال پنجاب کے 32 نجی میڈیکل کالجز میں سنٹرلائزڈ ایڈمیشن کیے جا رہے ہیں۔

متوقع طور پر پہلی سلیکشن لسٹ میں ایم بی بی ایس کا آخری میرٹ 80.3 فیصد تک رہے گا، جبکہ کالجوں کی الاٹمنٹ کے لیے پہلی سلیکشن لسٹ 5 فروری کو جاری کی جائے گی۔ منتخب امیدواروں کو کالج فیس جمع کرانے اور جوائننگ کے لیے زیادہ سے زیادہ تین دن کا وقت دیا جائے گا۔

امیدواروں کی سہولت کے لیے تمام میڈیکل کالجز میں داخلہ ٹیمیں تشکیل دی جا چکی ہیں، جبکہ وائس چانسلر یو ایچ ایس کی ہدایت پر سینئر فیکلٹی ممبرز کو فوکل پرسن نامزد کیا گیا ہے جو داخلے کے عمل میں معاونت فراہم کریں گے۔

ترجمان یو ایچ ایس کے مطابق، دوسری سلیکشن لسٹ 10 فروری کو جاری کی جائے گی۔

لسٹ چیک کرنے کیلئے درج ذیل لنک پر کلک کریں
https://uhs.edu.pk/privatemeritlist2024.php

اس خبر پر اپنی رائے کا اظہار کریں

اپنا تبصرہ بھیجیں